دیوبند/دانیال خان (یواین اے نیوز26فروری2020)دارالعلوم دیوبند کے استاد مفتی اشتیاق احمد قاسمی کو ان کے تحقیقی مقالہ 'علما ء دیوبند کی اردو سوانح عمریوں کا تنقیدی جائزہ 'پر پی ایچ ڈی کی ڈگری تفویض کی گئی،مفتی اشتیاق احمد نے یہ مقالہ مولاناآزاد نیشنل اردو یونیورسٹی کے استاد ڈاکٹر شمس الہدی دریابادی کی نگرانی میں مکمل کیا،اس مقالہ پر شعبہ اردو مولانا آزاد نیشنل اردو یونیورسٹی کے ہال میں مناقشہ ہوا،ممتحن کی حیثیت سے سابق صدر شعبہ اردو عثمانیہ یونیورسٹی حیدرآباد ڈاکٹر فاطمہ پروین تشریف لائی تھیں،انہوں نے طویل مناقشہ کے بعد مقالہ کی ستائش کی اور اسے ممتاز تحقیقی مقالوں میں قرار دیتے ہوئے ریسرچ اسکالر مفتی اشتیاق احمد قاسمی اورنگراں ڈاکٹر شمس الہدی دریابادی کو مبارکباد دی۔مفتی اشتیاق احمد نے اپنیا س تحقیقی مقالہ میں علماء دیوبند کی سوانح عمریوں کا سائنٹفک مطالعہ کیا ہے اور جدید اصول کے مطابق علماء دیوبند کی سوانح عمریوں کا تنقیدی،تحقیقی اور تقابلی جائزہ پیش کیا ہے،اپنی نوعیت کا بہت ہی اہم تحقیقی کارنامہ ہے۔مفتی اشتیاق احمد قاسمی کا تعلق ضلع دربھنگہ بہار سے ہے۔
دارالعلوم دیوبند میں تدریس کے فرائض انجام دے رہے ہیں،اس سے قبل ڈکٹر شمس الہدی کی ہی نگرانی میں دارالعلوم دیوبند کے تین بڑے شاعر کے عنوان سے مقالہ تحریر کر چکے ہیں جس پر انہیں ایم فل کی ڈگری تفویض کی گئی تھی،ایک اچھے مدرس، مقرر اور سنجیدہ قلمکار کی حیثیت سے جانے جاتے ہیں،ان کی متعدد کتابیں بھی منظر عام پر آچکی ہے۔اس اہم کامیابی کے لیے بڑی تعداد میں سرکردہ شخصیات اور دانشوروں نے انہیں مبارکباد پیش کی ہے۔جن میں سے چند نام ڈاکٹر ابوبکر عباد استاد شعبہ اردو دہلی یونیورسٹی،دارالعلوم دیوبند کے شیخ الحدیث و صدر المدرس مفتی سعید احمد پالنپوری، مفتی اشرف عباس قاسمی،مولانا شاہ عالم گورکھپوری، جامعہ ربانی منوروا شریف کے مہتمم مفتی اختر امام عادل قاسمی،مولانا احمد سجاد قاسمی، پروفیسر شمس عالم قمر، ڈاکٹر نوشاد عالم، مفتی رضوان قاسمی ممبئی، عبدالباری قاسمی،نایاب حسن قاسمی وغیرہ کے ہیں، دارالعلوم دیوبند کے اساتذہ اور طلبہ نے بھی خوش کااظہار کرتے ہوئے موصوف کو مبارکباد پیش کی۔
کوئی تبصرے نہیں:
ایک تبصرہ شائع کریں