ہفتہ، 17 ستمبر، 2022

Home Unlabelled جونپور :بائیک سوار کو نا معلوم گاڑی نے کچلا ، گاؤں والوں کا ہنگامہ، سڑک جام

جونپور :بائیک سوار کو نا معلوم گاڑی نے کچلا ، گاؤں والوں کا ہنگامہ، سڑک جام

Admin ستمبر 17, 2022

جونپور۔اسماعیل عمران (یو این اے نیوز 17ستمبر 2022) تھانہ کھیتاسرائے حلقہ کے جمدہاں گاؤں میں ہفتہ کی صبح عیدگاہ کے پاس نامعلوم گاڑی نے ایک موٹر سائیکل سوار کو کچل ڈالا۔ جس سے حادثے کی جگہ پر موت ہوگئی پولیس نے لاش کو تحویل میں لے کر پوسٹ مارٹم کے لئے بھیج دیا۔

حادثے کو انجام دینے والی گاڑی اور ڈرائیور موقع سے فرار ہو گئے۔ حادثے کے دو گھنٹے بعد مشتعل گاؤں والوں نے دیدار گنج سڑک جام کردیا آدھا گھنٹہ کے بعد تھانہ صدر موقع پر پہنچ کر رشتہ داروں اور گاؤں والوں کو کسی طرح سے سمجھا کر سڑک سے ہٹایا۔

معلوم رہے پورئی خرد کے رہائشی حولدار راج بھر ولد رام دلار علاقے کے اببو پور میں ایک پٹرول پمپ پر کام کرتا تھا۔ وہ معمول کے مطابق صبح آٹھ بجے کے قریب پٹرول پمپ جا رہا تھا۔ گاؤں سے نکلنے کے بعد جمدہاں گاؤں کی عید گاہ کے قریب پہنچا تو سامنے سے آنے والی تیز رفتار گاڑی نے زوردار ٹکر مار دی۔ جس کی وجہ سے اس کی دردناک موت واقع ہو گئی۔ گاؤں والوں اور پولیس کی مدد سے اسے پی ایچ سی سوندھی لے جایا گیا۔

جہاں ڈاکٹروں نے اسے مردہ قرار دے دیا۔ پولیس نے لاش کو تحویل میں لے کر طبی معائنے کے لیے بھیج دیا۔ اطلاع ملتے ہی گھر میں کہرام مچ گیا۔ دوسری طرف، حادثے کے دو گھنٹے بعد، پورئی خرد کے گاؤں والے اور رشتہ داروں نے تقریباً دس بجے کے قریب جمدہاں عیدگاہ کے قریب دیدار گنج-کھیتاسرائے سڑک کو جام کر دیا، اور حادثے کا سبب بننے والی گاڑی اور ڈرائیور کی گرفتاری کا مطالبہ کیا۔

جس کے باعث مذکورہ سڑک پر گاڑیوں کی لمبی قطاریں لگ گئیں۔ اطلاع ملنے پر پہنچے تھانہ صدر یجویندر سنگھ نے گاڑی سمیت ڈرائیور کو گرفتار کرنے کی یقین دہانی کرائی، پھر گاؤں والے وہاں سے چلے گئے۔ تقریباً آدھے گھنٹے تک یہ سڑک جام رہی

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ