جمعہ، 18 نومبر، 2022

Home Unlabelled الفاروق پبلک اسکول (آعظم گڑھ) میں یوم اطفال کی مناسبت سے شاندار پروگرام کا انعقاد

الفاروق پبلک اسکول (آعظم گڑھ) میں یوم اطفال کی مناسبت سے شاندار پروگرام کا انعقاد

Admin نومبر 18, 2022

خوشحال طبقہ کے ساتھ ساتھ مسلم غریب طبقہ کو بھی تعلیم یافتہ بنایا جائے:ڈاکٹر ذیشان

آعظم گڑھ،18 نومبر (نامہ نگار)14 نومبر یعنی پنڈت جواہر لعل نہرو کی سالگرہ یعنی یوم اطفال الفاروق پبلک اسکول کے احاطے میں دھوم دھام سے منایا گیا۔ بچوں نے مختلف پروگرام پیش کئے۔ مختلف قسم کے کھیلوں کا بھی اہتمام کیا گیا۔ اور آخر میں اساتذہ کی طرف سے بچوں کو کتابیں تحفے میں دی گئیں اور چاکلیٹس تقسیم کی گئیں۔

آنے والے مہمانوں نے بچوں کے پیش کردہ پروگراموں سے خوب لطف اندوز ہوئے۔ مہمان خصوصی عامر مہذبی نے بچوں میں کھیلوں سے متعلق اشیاء تقسیم کیں۔اقراء پبلک اسکول کے بچوں کی بھی آمد تھی، بچوں کے درمیان ایک پروقار ملاقات ہوئی۔ پروگرام کی نظامت عظمیٰ نسیم اور رہنمہ عبدالرحیم نے کی۔ آخر میں سکول کے منیجر ڈاکٹر محمد ذیشان نے مہمانوں کو خوش آمدید کہتے ہوئے اور اپنے اساتذہ کا شکریہ ادا کرتے ہوئے بچوں کو اچھا انسان بننے کا درس دیا۔اس موقع پر اسکول مینیجر ڈاکٹر ذیشان نے کہا کہ خوشحال طبقہ کے ساتھ ساتھ غریب غرباء کی بھی تعلیم کیلئے ہمیں جدوجہد کرنی ہوگی،تب کہیں جاکر قوم کا مستقبل روشن ہوگا۔

انہوں نے اطراف میں پھیلی نٹ بستی میں تعلیم کی شمع روشن کرنے پر زور دیا اور کہا کہ ان شاءاللہ بہت جلد ہم نٹ بچوں کی تعلیم کیلئے کچھ اچھا کچھ بڑا کریں گے۔واضح رہے کہ ایک طویل عرصہ سے الفلاح فاؤنڈیشن کے بانی ذاکر حسین نٹ مسلمانوں کی تعلیم کیلئے کوشاں ہیں تو وہیں ڈاکٹر ذیشان اور ان کی ٹیم تقریباً ایک سال سے نٹوں کے درمیان جاکر تعلیمی بیداری پیدا کرنے کی کوشش کر رہی ہے۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ