اتوار، 26 فروری، 2023

Home Unlabelled جونپور: فخر مشرق علامہ شفیق جونپوری کی یاد میں طرحی نشست کا اہتمام

جونپور: فخر مشرق علامہ شفیق جونپوری کی یاد میں طرحی نشست کا اہتمام

Admin فروری 26, 2023

جونپور :اجود قاسمی( یو این اے نیوز 26 فروری 2023) شہر کے محلہ سپاہ جامعہ نگر واقع اردو گھر میں بزم حفیظ جونپوری کے زیر اہتمام علامہ شفیق جونپوری کی یاد میں اتوار کی شام ایک طرحی نشست کا انعقاد استاد شاعر عبرت مچھلی شہری کی صدارت میں انعقاد کیا گیا۔

پروگرام کا آغاز شاعر انصار جونپوری نے نعت رسول پیش کرکے کیا۔ بزم حفیظ جونپوری کے صدر اسیم مچھلی شہری نے چند دن قبل فخر مشرق شاعر مرحوم علامہ شفیق جونپوری کا مصرع طرح 'میں تھا کہاں کہ مجھ کو کسی نے مٹا دیا' پیش کیا جس پر تمام شعرا نے طبع آزمائی کی۔ مہمان خصوصی کے طور پر جامعہ گروپ آف ایجوکیشن کے چئیرمن مولانا انوار احمد قاسمی اور مہمان اعزازی کے طور پر شاعر انوار الحق انوار جونپوری نے شرکت کیا۔

عرفان جونپوری نے شاعر علامہ شفیق جونپوری پر تبصرہ کرتے ہوئے کہا کہ شیراز ہند جونپور کے شعری منظر نامے پر جن شعراء نے گھرہ چھاپ چھوڑی ان میں فخر مشرق علامہ شفیق جونپوری کا نام نہ صرف جونپور بلکہ تقسیم سے قبل کے ہندوستان میں روشن و ممتاز رہا ہے اور آج بھی علامہ شفیق کے ذکر کے بغیر جونپور کے اردو شعراء کی فہرست مکمل نہیں ہو سکتی ہے۔ وہیں محمد تبریز نے علامہ شفیق جونپوری کی ایک غزل بھی ترنم سے پیش کی۔

منتخب اشعار قارئین کی نذر ہیں

دست حنائی آپ کا چمکا نہیں یونہی

میں نے حنا میں خون وفا کا ملا دیا

عبرت مچھلی شہری

حیرت سے دیکھتی ہے مجھے چشمِ میکدہ

جب سے کسی نے جام محبت پلا دیا

اکرم جونپوری

اس کی نظر کا بوجھ چلو کچھ تو کم ہوا

مجھکو بھی آج اسنے نظر سے گرا دیا

اسیم مچھلی شہری

غیروں کو کیا غرض کہ جلاتے میرا چمن

اپنا تھا کوئی آگ کو جس نے ہوا دیا

انوار احمد قاسمی

میں سو رہا تھا اوڑھ کے چادر نصیب کی

گھر کی ضرورتوں نے اچانک جگا دیا

احمد عزیز غازیپوری

علاوہ ازیں احساس عباس،مظہر آصف،خلیل ابنِ اثر جونپوری،قاری ضیاء جونپوری،انصار جونپوری،نوجوان شاعر وسیم جونپوری،ڈاکٹر پی سی وشوکرما،عاشق جونپوری،منور علی گمنام جونپوری،امرت پرکاش جونپوری،نادم جونپوری،وبھا تیواری نے اپنا کلام پیش کیا۔

پروگرام کی نظامت شاعر شہزاد جونپوری نے فرمائی۔ اس موقع پر ڈاکٹر ابو اکرم قاسمی،ڈاکٹر عرشی نواز،ساجد انوار،ماجد انوار،محمد اکرم،پرویز جونپوری،محمد اعظم نے خصوصی طور پر شرکت کی۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ