مشہور شاعر اجمل سلطان پوری کا بدھ کے روز دیر رات انتقال ہوگیا۔ وہ 95 سال کے تھے اور ایک طویل عرصے سے علیل تھے۔ عالمی شہرت یافتہ شاعر اجمل سلطان پوری کا ان کی رہائش گاہ پر انتقال ہوگیا۔انا للہ وانا الیہ راجعون انکی خاص نظم کہاں ہے میرا ہندوستان ہے جس کو میں ڈھونڈ رہا ہوں سے انہیں ملک میں ہی نہیں بلکہ بیرون ملک میں بھی اپنی شناخت بنا لی تھی۔
اجمل سلطانپوری 1926 میں اتر پردیش میں کڈوار مارکیٹ کے قریب ہرکھپور گاؤں میں پیدا ہوئے تھے۔ 1967 میں ، جب وہ معاشرتی برائیوں کے خلاف کھڑے ہوے تو انہیں بہت سارے لوگوں نےمار مار کر آدھ مرا چھوڑ دیا اور سلطان پور سے ممبئی تک علاج کیا گیا اور اس واقعے کے بعد وہ کبھی اپنے گھر نہیں لوٹے تھے۔سلطانپوری نے ملک بھر میں بہت ساری جگہوں کے ساتھ ساتھ دبئی ، کویت جیسے مقامات پر مشاعروں میں کا حصہ لیے ، حالانکہ وہ کبھی بھی امریکہ اور پاکستان نہیں گئے۔ انہیں پاکستان سے مشاعرے میں شرکت کے لئے کئی مرتبہ بلاوا بھی آیا مگر وہ نہیں گئے۔ ان کا خیال تھا کہ جب پاکستان ہم سے الگ ہو گیا ہے تو میں وہاں کیسے جاسکتا ہوں۔
ان کا ماننا تھا کہ کسی بھی فنکار کو حکومت سے توقعات رکھنے کا مطلب یہ ہوتا ہے کہ وہ تخلیق کار نہیں ہے بلکہ تاجر ہے۔ اگر کوئی فنکار کسی لالچ کی وجہ سے کوئی چیز تخلیق کرتا ہے تو وہ اپنے فن میں وہ اصلیت نہیں رکھتا ہے ، اور اسے یقین ہے کہ اس کے پڑھنے والے بھی اس میں مصنوعی پن دیکھتے ہیں اور اس میں رس بھی نہیں ہوتا ہے ، جو شعر یا شاعری میں ہونا چاہئے۔آپ کو بتادیں کی اتر پردیش اکیڈمی کی طرف سے 2016میں انہیں لائف ٹائم اچیومنٹ ایوارڈ سے نوازا گیا تھا۔انکی دو نظمیں عوام میں بہت مقبول ہوئیں۔ ایک کہاں ہے میرا ہندوستان،دوسرا آگرہ میں تیرا شاہ جہاں۔
Best of luck
جواب دیںحذف کریں