پولیس انکاؤنٹر میں اعظم گڑھ کے نوجوان کو لگی گولی!
اعظم گڑھ، (یو این اے نیوز 26ستمبر 2022) گمبھیر پور پولیس نے وارانسی روڈ پر رہوا کے پاس ہفتہ کی صبح ایک انکاؤنٹر میں ایک لٹیرے کو گرفتار کیا۔ اس کی دائیں ٹانگ میں گولی لگی ہے۔ زخمی شیوم سونی رانی کی سرائے کا رہنے والا ہے اور اس کے خلاف کئی مقدمات درج ہیں۔ اس سے قبل مظفر پور کے ایک باغ سے بھی تین بدمعاش پکڑے گئے تھے۔
پہلے پولیس کو اطلاع ملی کہ کچھ بدمعاش مظفر پور کے قریب باغ میں جمع ہو کر لوٹ مار کی منصوبہ بندی کر رہے ہیں۔ اس اطلاع پر پولیس ٹیم انچارج نے شبھم سونکر عرف چھوٹو رہائشی رانی کی سرائے، پرنس یادو رہائشی سپنہر رود پور تھانہ مینھ نگر، دھیرج سونکر رہائشی رانی کی سرائے اعظم گڑھ کو گرفتار کیا۔ اس کے ساتھاسلحہ، کارتوس، موٹر سائیکل اور لوٹا ہوا سامان بھی برآمد کر لیا گیا۔
رکنے کا اشارہ کرنے پر کی تھی فائرنگ
کچھ دیر بعد معلوم ہوا کہ لوٹ کی وارداتوں میں ملوث ایک ملزم اعظم گڑھ سے گوسائیں کی بازار جا رہا ہے۔ اس اطلاع پر ایس ایچ او نے روہوا کے قریب محاصرہ کر لیا۔ موٹر سائیکل سوار کو رکنے کا اشارہ کیا گیا تو اس نے پولیس ٹیم پر فائرنگ کر دی۔
پولیس کی جوابی کارروائی میں اس کی دائیں ٹانگ میں گولی لگی اور وہ گر کر زخمی ہوگیا، جسے علاج کے لیے اسپتال بھیج دیا گیا۔ زخمی کی شناخت شیوم سونی رہائشی رانی کی سرائے کے طور پر ہوئی ہے۔ اس کے قبضے سے ایک پستول، کارتوس، موٹر سائیکل اور لوٹا ہوا سامان برآمد ہوا۔ دوران تفتیش لٹیروں نے بتایا کہ ہم گینگ بنا کر ڈکیتی کی وارداتیں کرتے ہیں۔
کوئی تبصرے نہیں:
ایک تبصرہ شائع کریں