ہفتہ، 4 مارچ، 2023

Home Unlabelled جمیعۃ علماء مانی کلاں کے زیر اہتمام٫اصلاح معاشرہ وتعلیمی بیداری،پروگرام کا انعقاد

جمیعۃ علماء مانی کلاں کے زیر اہتمام٫اصلاح معاشرہ وتعلیمی بیداری،پروگرام کا انعقاد

Admin مارچ 04, 2023

جونپور ۔حاجی ضیاء الدین (یو این اے نیوز 4مارچ 2023) کھیتا سرائے تھانہ حلقہ کے موضع بھڑ کڑہاں میں جمیعت العلماء مانی کلاں حلقہ کے زیر اہتمام ،،بعوان،، اصلاح معاشرہ وتعلیمی بیداری پروگرام کا انعقاد کیا گیا پروگرام کی نظامت حافظ رضوان احمد جنرل سیکریٹری حلقہ مانی کلاں ، و صدارت مولانا عمران احمد خا ن قاسمی صدر جمیعۃ علماء حلقہ مانی کلاں نے کی۔

اس موقع پر خطاب کرتے ہوئے مولانا محمد طارق قاسمی استاذ خالد بن ولید پبلک اسکول محمد پور اعظم گڑھ نے کہا کی لوگوں کو اچھے لوگوں سے دوستی رکھنی چاہیے انہوں نے کہا موجودہ دور متعلقات عامہ کا دور ہے ،چمک دمک والی دنیا میں رہ کر ہی اللہ اور اسکے رسول کے فرمان کے مطابق زندگی بسر کرنا ہے اور اسی دنیا میں رہکر اپنی آخرت کی تیاری بھی کرنی ہے ، جب آپ شادی کریں تو نیک صفت خاتون کا انتخاب کریں جب ایک نیک خاتون آپ کے نکاح میں آئیگی تو آپ کی زندگی اور آپ کی ہونے والی اولادیں نیک ہوں گی اور جہیز کی لعنت سے سماج کو پاک کرتے ہوئے سادگی سے نکاح کرنا ہمارا دینی فریضہ ہے۔

انہوں نے کہا کہ ارتداد کو روکنے کے لیے ہمیں نکاح کو آسان بنانا ہوگا،اسکے علاوہ مولانا عبداللہ قاسمی استاذ مدرسہ تحفیظ القرآن مانی کلاں،اور مولانا طارق قاسمی استاذ مدرسہ ضیاء العلوم مانی کلاں نے بھی اصلاح معاشرہ وتعلیمی بیداری عنوان کے تحت قرآن وحدیث کی روشنی میں خطاب کیا۔اس موقع پر رکن جمیعۃ علماء جونپور اسماعیل عمران ندوی نے جمیعۃ علماء ہند کی تاریخ اور اسکے اغراض و مقاصد پر روشنی ڈالتے ہوئے لوگوں سے جمیعۃ علماء ہند کی اس مہم ( اصلاح معاشرہ وتعلیمی بیداری )سے جڑنے کی اپیل کی ۔

آخر میں صدر مجلس کی دعا پر جلسہ کا اختتام ہوا وہیں صدر جلسہ کی جانب سے۱۲ مارچ بروز اتوار کو موضع بھڑکڑہاں میں مفت طبی کیمپ کے انعقاد کا اعلان کیا۔

اس موقع پر مولانا عبد الحنان،حافظ حسام الدین ،مولانا احمد عبید ،مولانا عبد العظیم ،مولانا فخر عالم ،حافظ طاہر ،توفیق ،ظفرصدیقی ،حافظ عبد الرشید، حافظ دانش،عقیل احمد ،محد ساجد وغیرہ خصوصی طور پر موجود رہے

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ