سول سرویسیز کے نتائج اور مسلمان

Admin اپریل 16, 2024

ذاکر حسین بانی :الفلاح فاؤنڈیشن(بلڈ ڈونیٹ گروپ)

وطن عزیز میں بے پناہ اہمیت کا حامل مقابلہ جاتی امتحان یو پی ایس سی کے نتائج سامنے آئے ہیں۔گزشتہ سالوں کے مقابلے امسال مسلم امیدواروں کی کامیابی کے فیصد میں اضافے نے ملک کے مسلمانوں کی تعلیم کیلئے فکر مندی کی آغوش میں رہنے والوں کیلئے خوشی کا تحفہ دیا ہے۔تفصیلات کے مطابق کامیاب امیدواروں میں مسلم امیدواروں کی کامیابی کا تناسب تقریباً 5 فیصد رہا ہے۔

گذشتہ سال 2022 کے مقابلے اس مرتبہ مسلم امیدواروں کا مظاہرہ بہتر رہا ہے جبکہ گزشتہ برس صرف 33 مسلم امیدوار اس اعلیٰ امتحان میں کامیاب ہوسکے تھے۔اس مرتبہ ایک مسلم لڑکی نوشین نے نویں رینک حاصل کر مسلم طلباء بالخصوص مسلم طالبات کیلئے امید کی ایک راہ دکھائی ہے۔

اس طرح ٹاپ 10 میں صرف ایک مسلم امیدوار شامل ہے۔اس پر بھی قوم کے لوگوں کو غورو فکر کرنا ہوگا۔ اس بار یو پی ایس سی سول سروسیز کی میرٹ لسٹ 2023 جاری ہونے کے بعد فوراً سوشل میڈیا و ذرائع ابلاغ کے دیگر پلیٹ فارمز پر نتائج کو لیکر خبریں گردش کرنے لگیں۔مقابلہ جاتی امتحان میں نویں رینک حاصل کرنے والی نوشین مسلمانوں کے جشن کی وجہ بنیں۔نوشین کے علاوہ 5 مسلم امیدواروں نے ٹاپ 100 کی فہرست میں مختلف رینک اور پوزیشن حاصل کئے ہیں ۔آئی اے ایس، آئی پی ایس، آئی ایف ایس، آئی آر ایس اور دیگر سول سروسیز کے عہدوں کے لئے جملہ 1016 امیدواروں کو کامیاب قرار دیتے ہوئے ان کے تقرر کی سفارش کی گئی ہے۔

جملہ 1016 امیدواروں میں سے مجموعی طور پر 347 جنرل زمرہ سے،303 او بی سی سے، 165 درج فہرست ذاتوں سے،115 معاشی کمزور طبقات سے ،86 درج فہرست قبائل کے زمرے سے منتخب ہوئے ہیں۔ کامیاب امیدواروں میں 50 مسلمان ہیں۔ کامیاب مسلم امیدواروں میں 16 مسلم طالبات شامل ہیں۔مجموی نتائج میں آدتیہ شریواستو نے پہلی رینک حاصل کی ہے، انیمیشن پردھان نے دوسری رینک حاصل کی ہے، ڈی اننیا ریڈی نے تیسری، سدھارتھ رام کمار نے چوتھی جبکہ روحانی نے پانچویں رینک حاصل کی ہے۔سول سروسیز 2022 کی ٹاپ 100 فہرست میں 05 مسلمانوں نے جگہ بنائی ہے۔ہر سال کی طرح اس بار بھی مسلم امیدواروں کی کامیابی پر قوم کے لوگ جشن منانے میں مصروف ہیں۔

لیکن اس جشن کے شور میں کچھ سوال جو کہیں اس شور میں دب جا رہے ہیں۔ ہر سال یو پی ایس سی میں مسلم امیدواروں کی کامیابی پر پوری قوم جشن مناتی ہے۔ لیکن جن مسلم طلباء کی کامیابی پرقوم سراپا جشن ہوتی ہے،وہ طلباء ایک بڑے عہدے پر فائز ہوکر قوم کیلئے کیا کرتے ہیں؟ اس پر گفتگو ضروری ہے۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ