آلہ باد کے عتیق احمد کو عمر قید کی سزا ،امیش پال اغوا کیس میں عدالت نے اشرف کو باعزت بری کیا
پریاگ راج: اسماعیل عمران (یو این اے نیوز 28مارچ 2023) امیش پال کے 17 سال پرانے اغوا کیس میں عتیق احمد کو مجرم قرار دیا گیا ہے۔ پریاگ راج کی ایم پی ایم ایل اے عدالت نے عتیق احمد کو عمر قید کی سزا سنائی ہے۔ 2006 کے مقدمے میں عتیق سمیت تین ملزمان کو سزا ہو چکی ہے۔ اس کے ساتھ ایک لاکھ روپے کا جرمانہ بھی عائد کیا گیا ہے۔ ساتھ ہی ان کے بھائی اشرف سمیت 7 کو بری کر دیا گیا ہے۔
عتیق کے ساتھ ساتھ شوکت حنیف اور دنیش پاسی کو بھی ایم پی ایم ایل اے عدالت نے 17 سال پرانے کیس میں مجرم قرار دیا ہے۔ دراصل، بی ایس پی ایم ایل اے راجو پال کے قتل کیس کے گواہ اومیش پال کو اغوا کر لیا گیا تھا۔ اس کے ساتھ مار پیٹ بھی ہوئی۔ 2006 میں پولیس میں شکایت کے بعد معاملہ عدالت میں چل رہا تھا۔
عتیق سمیت 3 افراد کو سزا سنائی گئی۔ اس کے ساتھ ہی عدالت نے اشرف سمیت 7 دیگر ملزمان کو 364 اے اور 120 بی میں بری کر دیا۔ عتیق کو سخت سیکورٹی کے بیچ گجرات کی سابرمتی جیل سے پریاگ راج کی نینی جیل لایا گیا۔
آج سخت سیکیورٹی میں جیل سے عدالت کے احاطے میں لائے گئے عتیق کو جج کے سامنے پیش کیا گیا۔ اس دوران عدالت کے احاطے میں عتیق کو پھانسی دو کے نعرے بھی لگے۔ پولیس کی بھی ایک بڑی تعداد موجود تھی۔
کوئی تبصرے نہیں:
ایک تبصرہ شائع کریں