سعودی عرب میں چراتا تھا بکری، وطن واپسی پر کیا گیا شاندار استقبال۔نظر بھی اتاری گئی!
جونپور، اسماعیل عمران۔(یو اہن اے نیوز 8اگست 2022) ضلع کی مڑیاہوں تحصیل سے ایک چونکا دینے والا معاملہ سامنے آیا ہے۔ تحصیل کے علاقے چتربھرج پور کے رہائشی نوجوان کو سعودی عرب میں یرغمال بنا لیا گیا تھا۔ سعودی عرب میں اس سے بکری چروایا جاتا تھا اور اس پر تشدد کیا جاتا تھا۔ چار ماہ قبل نوجوان نے ویڈیو بنا کر اپنے گھر والوں کو پورے معاملے سےآگاہ کیا تھا۔
بیٹے کو بیرون ملک یرغمال بنائے جانے پر والدین کافی پریشان ہوگئے جس کے بعد انہوں نے ڈسٹرکٹ مجسٹریٹ کو درخواست دے کر بیٹے کو واپس لانے کی درخواست کی تھی۔ جب یہ نوجوان ہفتہ کو اپنے گھر پہنچا تو ڈھول بجا کر اس کا استقبال کیا گیا۔ ماں نے پیشانی پر صندل کا ٹیکہ لگایا اور گاؤں والوں کو مٹھائیاں بھی کھلائیں۔
گورکھپور کے ایجنٹ نے دھوکہ دیا۔
مڑیاہوں تحصیل علاقے کے چتربھوج پور گاؤں کے رہنے والے سریندر سنگھ نے بتایا کہ اس کا بیٹا وپن سنگھ پہلے ممبئی میں کام کرتا تھا۔ اسی سال اس کی ملاقات مہاراج گنج کے رہنے والے سشیل سے ہوئی۔ سشیل نے وپن کو گورکھپور کے رہنے والے احمد نامی ایجنٹ سے ملاقات کرائی احمد نے سعودی عرب میں ویٹر کے طور پر کام کرکے بڑی رقم کمانے کے بارے میں بات کہی ۔ اس کے احمد نے ڈیڑھ لاکھ روپے کا مطالبہ کیا تھا۔ والد سریندر سنگھ نے 1.5 لاکھ روپے کا قرض لیا اور اپنے بیٹے وپن کو 8 اپریل 2022 کو سعودی عرب بھیج دیا۔
سعودی جنگل میں نوجوان کو یرغمال بناکر بکریاں چروانے لگے
جب وپن سعودی عرب گیا تو وہاں موجود ایجنٹ کے جاننے والے اسے تمل داستانی نامی سیٹھ کے یہاں لے گئے۔ ویٹر کے طور پر کام کرنے کے بجائے اسے بکریاں اور اونٹ چرانے جنگل بھیج دیا گیا۔ انکار کرنے پر لوگوں نے وپن کی پٹائی بھی کی۔ جب اس کے ساتھ زیادتی زیادہ کی جانے لگی ۔
تو مئی میں وپن نے اپنے گھر ویڈیو کال کرکے اپنی کہانی سنائی۔ اس کے بعد والدین نے ضلع مجسٹریٹ جونپور اور دیگر حکام سے بیٹے کو واپس لانے کا مطالبہ کیا۔
ہندوستانی سفارت خانے نے مدد کی۔
ہفتہ کو اپنے گھر پہنچ کر وپن سنگھ نے بتایا کہ سیٹھ کے ساتھ کام کرنے والے ایک اور ہندوستانی نوجوان نے اسے 100 ریال دے کر ہندوستانی سفارت خانے بھیج دیا۔
وپن سنگھ 140 کلومیٹر پیدل چل کر لوگوں سے لفٹ لے کر ہندوستانی سفارت خانے پہنچے۔ وہاں پہنچ کر اس نے پوری بات افسروں کو بتائیں ۔ اس کا ٹکٹ کرانے کے ساتھ ساتھ سفارت خانے کے افسران بھی اسے ایئرپورٹ تک بھی چھوڑنے آئے
باپ نے کہا کہ بیٹا دوبارہ پیدا ہوا ہے۔
ہفتہ کو جب ان کا بیٹا وپن گھر واپس آیا تو گاؤں میں ان کے استقبال کے لیے ڈھول بجایا گیا۔ ان کی والدہ سنجو دیوی نے چندن کا تلک لگا کر ان کا استقبال کیا۔
گاؤں میں مٹھائیاں بھی تقسیم کی گئیں۔ سعودی عرب سے بحفاظت بیٹے کو گھر واپس آنے کے بعد اس کے والد سریندر بہادر سنگھ نے کہا کہ ان کے بیٹے کا دوبارہ جنم ہوا ہے۔ انہوں نے ضلع مجسٹریٹ جونپور اور حکومت کا بھی شکریہ ادا کیا۔
کوئی تبصرے نہیں:
ایک تبصرہ شائع کریں