ہفتہ، 6 اگست، 2022

Home Unlabelled جونپور : کانگریس کارکنوں کا مہنگائی اور بے روزگاری کے خلاف زبردست مظاہرہ !

جونپور : کانگریس کارکنوں کا مہنگائی اور بے روزگاری کے خلاف زبردست مظاہرہ !

Admin اگست 06, 2022

جونپور۔ اسماعیل عمران۔(یو این اے نیوز 6اگست 2022) گزشتہ جمعہ کو آل انڈیا نیشنل کانگریس کی کال پر کارکنوں نے ضلع کانگریس کمیٹی کے صدر فیصل حسن تبریز اور سٹی کانگریس کمیٹی کے صدر وشال سنگھ حکم کی قیادت میں ضلع ہیڈکوارٹر پر مظاہرہ کیا۔

جلوس کی شکل میں نعرے بلند کرتے ہوئے کانگریسی کلکٹریٹ کے احاطے میں پہنچے اور دھرنے پر بیٹھ گئے۔ ضلعی صدر فیصل حسن نے کہا کہ مرکز کی بی جے پی حکومت ملک میں بڑھتی ہوئی مہنگائی، بے روزگاری پر قابو پانے میں ناکام ہو چکی ہے۔

اگنی ویر جیسی اسکیم مودی حکومت کی کمزور پالیسیوں اور دور اندیشی کو ظاہر کرتی ہے! ایسی عوام دشمن پالیسیوں کی وجہ سے متوسط محنت کش اور غریب طبقے کا جینا محال ہو گیا ہے۔

شہری صدر نے کہا کہ آزاد ہندوستان کی تاریخ میں پہلی بار مرکزی حکومت دودھ اور دہی جیسی ضروری اشیائے خوردونوش پر ٹیکس لگانے کا کام کر رہی ہے۔ کم بارش کی وجہ سے ہمارے کسان کھیتوں کو سیراب کرنے سے قاصر ہیں۔

مہنگائی نے ملک کے تاجروں، ملازموں اور غریب عوام کی کمر توڑ دی ہے۔ کانگریس کارکنوں نے صدر جمہوریہ کے نام ایک میمورنڈم ضلع انتظامیہ کو سونپا۔

ریاستی جنرل سکریٹری دھرمیندر نشاد، رام چندر مشرا، راکیش اپادھیائے، راکیش سنگھ ڈبو، دیوراج پانڈے، محمود انصاری، راکیش مشرا منگلا، سریندر سنگھ، نیرج رائے امیت مشرا شیوم اپادھیائے پرمود سنگھ سبھاش سنگھ اجے سونکر، اقبال، اشرف، نونیت اور چندر کیش کے علاوہ دیگر کانگریسی لیڈر موجود تھے۔

کوئی تبصرے نہیں:

ایک تبصرہ شائع کریں

ہمارے بارے میں

ایک طرف جہاں فیک نیوز کی بھر مار ہے،دوسری طرف حکومت کے اشارے پر خبریں شائع ہوتی ہیں۔ اس دور میں یواین اے نیوز سچائی اور مظبوط ارادے کے ساتھ آپ کے ساتھ کندھے سے کندھا ملا کھڑا ہے۔یواین اے نیوز ایک ایسا ادارہ ہے،جو مافیاؤں سے خوف زدہ نہیں،جو لفافہ صحافت کا پیروکار نہیں،جو حکمرانوں کا قصیدہ گو نہیں،جو سرکاری مراعات کا محتاج نہیں،جو جابر حکمرانوں سے پوچھ کر کلمہ حق کہنے والا نہیں،ہمارا آپ سے وعدہ ہے،لکھیں گےہمیشہ سچ اور صرف سچ۔ یہ ہمارا مشن ہے،ایک تحریک ہے۔ یواین اے نیوز میں اپنا مضمون شائع کروانے کے لیے اپنی تحریر صرف ان پیج فارمیٹ میں ہی مع تصویر ارسال کریں۔ یواین اے نیوز کسی بھی موضوع پر لکھے گئے مضامین کو قبول کرسکتا ہے، بشرطیکہ تمام مضامین طبع زاد ہونے چاہئیں۔ یواین اے نیوز ایسے مضامین کو اولین فرصت میں شائع کرنے کو ترجیح دیتا ہے جو پہلے کسی آن لائن یا اخبار وغیرہ میں شائع نہ کئے جا چکے ہوں؛ اگر کسی وجہ سے یواین اے نیوز آپ کی تحریر شائع نہیں کرتا ہے تو برائے مہربانی اشاعت کے لئے اصرار نہ کریں، کیونکہ کسی بھی تحریر کو شائع کرنے یا نہ کرنے کا کلی اختیار صرف اور صرف یواین اے نیوز کی ادارتی ٹیم کو ہی ہے۔ ایڈیٹر کو اختیار حاصل ہے کہ آپ کی تحریر کو قابلِ اشاعت بنانے کے لیے قطع و برید کرے۔ یواین اے نیوز ایسے مضامین شائع نہیں کرتا جو دو ممالک، گروہوں، فرقوں اور افراد کے درمیان باہمی منافرت کو ہوا دینے کا سبب بنے۔ یواین اے نیوز پر شائع ہونے والی تمام نگارشات قلم کاروں کی ذاتی آرا پر مبنی ہیں۔ ادارہ کا ان سے متفق ہونا ضروری نہیں۔ یواین اے نیوز کسی بھی سیاسی پارٹی کا نمائندہ نہیں ہے۔ آپ ہماری آواز کو بلند اور مظبوط کرنے کے لئیے ہمارے فیس بک ٹیوٹر یوٹیوب ودیگر سوشل میڈیا پلیٹ فارم پر ہمیں لائک، سبسکرائب اور فالو کریں۔ شکریہ