جون پور۔ اسماعیل عمران (یو این اے نیوز 19جون 2020) جونپور پولیس نے غیر ملکی جماعت والوں پر سے دفعہ 307 کو ہٹا کر چارج شیٹ داخل کردیاہے۔ نیپالی جماعتی تسلیم خان نے عدالت میں جرم قبول کرلیا۔ مذکورہ سیکشن کو ختم کرنے کے بعد عدالت نے دیگر دفعات کو ہلکا کرنے کی وجہ سے ملزم کو دو ماہ قید کی سزا سنا دی۔ ملزم کو پہلے ہی دو ماہ سے زیادہ عرصے سے جیل میں نظربند رکھا گیا تھا ، اسی بنا پر جیل میں گزارنے والی مدت سزا میں ایڈجسٹ کردی گئی اور اسے رہا کردیا گیا۔
 |
| عارضی جیل پرساد انسٹیٹیوٹ |
3 اپریل ، دوپہر 12 بجے ، ایس آئی سریش کمار سنگھ کو معلوم ہوا کہ کچھ لوگ دہلی کی جماعت سے آئے ہیں اور چاند میڈیکل چوراہے پر جمع ہیں۔ پولیس نے چاند میڈیکل چوراہے پہنچ کر ملزم عاشق سہیل ، سراج اور نسیم احمد کو گرفتار کرلیا۔ کورونا انفیکشن میں لاک ڈاؤن کی خلاف ورزی کرنے پر ملزمان پر دفعہ 188 ، 269 کے تحت مقدمہ درج کیا گیا تھا۔ تفتیش میں نیپال کے ضلع روہٹا کے رہائشی تسلیم اور دیگر ملزموں کا انکشاف ہوا۔ پولیس نے اسے گرفتار کرلیا۔ ملزمان کو عارضی جیل پرساد انسٹیٹیوٹ میں رکھا گیا تھا۔
بعد میں ضلع جیل میں منتقل کردیا گیا۔ دلی میں جماعت کے امیر مولانا سعد پر سنگین دفعات لگانے کے بعد ، جماعت سے وابستہ دیگر افراد پر بھی ملک بھر میں دفعہ 307 آئی پی سی (قتل کی کوشش) لگائی گئی ، لیکن بعد میں پولیس نے دفعہ 307 کو ہٹا دیا ، جس کے نتیجے میں نیپال ملک سے تعلق رکھنے والے جماعتی چھوٹ گئے۔ بنگلہ دیشی جماعتوں پر سے بھی دفعہ 307 کو ختم کرکے چارج شیٹ داخل کی گئی ہے
کوئی تبصرے نہیں:
ایک تبصرہ شائع کریں