بھارتیہ جنتا پارٹی کا گالی باز غنڈہ نیتا سری کانت تیاگی گرفتار!
دہلی۔اسماعیل عمران ۔(یو این اے نیوز 9اگست 2022)شری کانت تیاگی بیوی اور وکیل سے رابطے میں تھا، یہیں سے پولس کو ملی بڑی کامیابی
سری کانت تیاگی کو پولیس نے گرفتار کر لیا ہے۔ ملزم کے ساتھ مزید تین افراد کو بھی گرفتار کر لیا گیا ہے۔ فرار ہونے کے دوران شری کانت مسلسل اپنی بیوی اور اپنے وکیل سے بات کرنے کی کوشش کر رہا تھا اور یہیں سے پولیس کو اس کے ٹھکانے کا پتہ چلا۔ پولیس اسے میرٹھ سے گرفتار کرکے نوئیڈا لا رہی ہے۔
شری کانت تیاگی کی ایک اور کار برآمد۔
نوئیڈا کے گالی باز شری کانت تیاگی کو پولیس نے گرفتار کر لیا ہے۔ ملزم تیاگی کے ساتھ مزید تین افراد کو گرفتار کر لیا گیا ہے۔ یوپی پولس اس کی تلاش میں لگاتار چھاپے مار رہی تھی۔ آخر کار منگل کی صبح اسے نوئیڈا پولیس نے میرٹھ میں پکڑ لیا۔ پولیس نے ملزم کی ایک اور کار برآمد کر لی ہے۔ اس گاڑی پر یوپی ودھان سبھا کا اسٹیکر لگا ہوا ہے۔ یہی نہیں گاڑی پر بی جے پی کا جھنڈا بھی لگا ہوا ہے۔
پولیس کے مطابق یہ کار گوتم بدھ نگر ضلع کے یعقوب پور سے برآمد ہوئی ہے۔ پولیس کا کہنا ہے کہ شری کانت تیاگی اسی کار میں بیٹھ کر فرار ہو تھا اور اس کار کو چھوڑ کر آگے نکل گیا تھا
اس مہنگی گاڑی کا رجسٹریشن جے آر ڈی انفراٹیک پرائیویٹ لمیٹڈ کے نام پر رجسٹرڈ ہے۔ یہ نوئیڈا کی ایک کمپنی ہے، جس کا پتہ مشرقی دہلی میں دکان نمبر kh208 گاؤں کانڈلی پر دیا گیا ہے۔ تحقیقات میں پتہ چلا کہ اس کے مالک کا نام جیتندر یادو ہے جو کمپنی کا ڈائریکٹر ہے۔ جتیندر 6 جون 2013 کو اس کمپنی کا ڈائریکٹر بنا تھا۔ پھر یکم دسمبر 2018 کو اومنیش کمار کو دوسرا ڈائریکٹر بنایا گیا۔
بتا دیں کہ مفرور ملزم شری کانت تیاگی کو بھی نوئیڈا پولس نے یوپی کے میرٹھ سے گرفتار کیا ہے۔ ملزم کی تلاش میں یوپی پولس کی 12 ٹیمیں تین ریاستوں میں لگاتار چھاپے مار رہی تھیں۔
کوئی تبصرے نہیں:
ایک تبصرہ شائع کریں